“Book Descriptions: Réttarsálfræðingurinn Kamilla Brim er enn að takast á við dauða móður sinnar þegar lögreglan óskar eftir aðstoð hennar. Ungur maður hefur kært konu fyrir kynferðisbrot. Harðar ásakanir ganga á milli og samband þeirra er flóknara og nánara en virðist við fyrstu sýn. Kamilla þarf að greina milli sannleika og lygi sem runnið hafa saman í villuljós og dimman blekkingarvef.
Um leið hvílir fortíðin á Kamillu og bréfin sem móðir hennar skildi eftir sig vega þungt í hjarta hennar. Fyrrverandi er komin frá Bretlandi og hún getur hallað sér að honum, en hrífandi lögmaðurinn Gísli ratar enn á ný inn í líf hennar og flækir enn frekar. Kamilla þarf að gera upp hug sinn. Vill hún opna á fortíðina sem leynist í bréfunum? Mun hún fylgja hjartanu, taka áhættu og halda á ókunnar slóðir? Eða treysta á öryggi og fast land undir fótum? Vill hún í raun og veru vita hvers vegna faðir hennar yfirgaf fjölskylduna? Eða eru leyndarmálin best geymd grafin?
Uns dauðinn aðskilur okkur er önnur bók Hugrúnar Björnsdóttur um réttarsálfræðinginn Kamillu Brim. Hugrún braust fram á sjónarsviðið með fyrstu bók sinni Rót alls ills sem naut fádæma vinsælda og hún dregur ekkert undan með framhaldinu. Á einstakan hátt ægir saman ást og glæpum, ljósi og myrkri og brugðið er upp sterkum myndum af breyskum sögupersónum og samfélagi þar sem sannleikur og réttlæti þurfa oft að lúta lægra haldi.” DRIVE
Read Ebook 
