“Book Descriptions: Tveir drengir af vistheimilinu Björtuborgum í Hvalfirði finnast látnir í Reykjavíkurhöfn árið 1975. Allt bendir til þess að um morð sé að ræða en rannsóknin lendir í öngstræti. Sannleikurinn liggur í láginni.
Þangað til árið 1983, þegar fimm afar ólíkir einstaklingar fá dularfull bréf þar sem þeim er hótað dauða ef þau segja ekki sannleikann. Á hverju bréfi er lítil mynd af strengjabrúðu.
Þegar einn fimmmenninganna finnst myrtur á hrottafenginn hátt og í dauðanum stillt upp sem strengjabrúðu, fellur málið í hendur rannsóknarlögreglumannsins Valdimars og nýliðans Ylfu. Ekki líður á löngu fyrr en tengslin koma í ljós á milli morðsins, bréfanna og drengjanna sem fundust í höfninni átta árum áður. Tvíeykið rannsakar málið í kappi við tímann en um leið þarf Ylfa að glíma við skugga eigin fortíðar með dyggum stuðningi Valdimars.
Brúðumeistarinn er þrælspennandi, hrollvekjandi og áleitin glæpasaga um rannsóknarteymið Ylfu og Valdimar eftir verðlaunahöfundinn Óskar Guðmundsson. Fyrsta bókin í seríunni var Dansarinn, sem vakti mikla lukku, tók lesendur á taugum og hlaut þar að auki Íslensku hljóðbókaverðlaunin sem besta glæpasaga ársins 2021.” DRIVE
Read Ebook 
