“Book Descriptions: Rebbieħ tal-Konkors ta’ Kitba — Letteratura għaż-Żgħażagħ (Aġenzija Żgħażagħ u Kunsill Nazzjonali tal-Ktieb)
F’Villa Vella toqgħod Nina. Seventeen. Tħobb ir-rota u l-kristalli u l-ġerżijiet bil-kmiem twal. Aħna li noqogħdu faċċata naraw kollox: min iżurhom għal ftit u min iżurhom għal ħafna. Fit-triq jiġru ħafna affarijiet, imma l-iżjed li jiġru, ġewwa … fil-kamra tas-sodda jew fil-kamra tal-banju fejn Nina tkun waħedha. Meta ħadd ma jkun qed iħares Nina jkollha bżonn tistrieħ biex terġa’ tiġi f’tagħha. Jaqtgħuha l-ħsejjes meta taħseb li hemm xi ħadd, sakemm tistejqer u tkompli mal-logħob t’oħtha ż-żgħira, ma’ missierha stinat, u m’ommha l-isptar. Fit-tarf l-ieħor tat-triq, toqgħod Dolor, li kif tidħol f’ħajjithom, jinbidel kollox. Din l-istorja ta’ Nina skont aħna.
Twissija: irrakkomandat għal qarrejja minn 15-il sena ’l fuq minħabba suġġetti sensittivi” DRIVE
Read Ebook 
